புதிய உறவு

பல வருட கனவு

சில தடைவை நொறுங்கியது

இருந்தும் மீண்டும் கனவை

நோக்கிய பயணம்

ஒவ்வொரு வினாடியும்

மிகுந்த கவனிப்புடன் மிக

நீண்ட பயணம் அந்த ஒரு

நாள் எதிர் பார்த்து

குடியேறிய நாட்டில் இருந்து

தாய்நாட்டுக்கு வந்து மருத்துவ சிகிச்சை

மீண்டும் குடியேறிய நாட்டுக்கு பயணம்

கனவை நோக்கி

அனைத்து நவீன வசதி

இருந்தும் கடவுள் பிரார்த்தனை

கரம் பிடித்தவன் காரில் பின் தொடர

அதிவேக நெடுஞ்சாலையில்

ஆம்புலன்ஸ் இல் பயணம்

உன்னை ஈன்றவள்

உனக்கு ஆறுதல் சொல்ல

எதோ தப்பாயிற்று

கனவு கானல் நீர் ஆகிடுமோ

எனும் பதற்றம்

வைத்தியசாலையை நோக்கி   

ஒரு அறையில் சில நிபுணர்

ஒரே நிற ஆடையில் சில நிமிட

கலந்துரையாடல்

உன்னை அழைத்து வந்தவர்கள்

அறையின் வெளியில் 

 சில நிமிடம் கடந்து

சுற்றி வர உள்ளோர்  மகிழ்ச்சி கடலில்

ஈன்றெடுத்த நீயோ வேதனை உச்சத்தில்

உன் மயக்கம் தெளிய பல மணிநேரம்

என்று சொன்ன மருத்துவ விஞ்ஞானம்

கூட தோற்று போனது

மழலையின் அழுகுரல் கேட்ட

மறுகணம் நீ கண் விழித்துப் பார்ததில்

விருந்தினர் அனைவரும் குழந்தையை

அரவணைக்க

பெற்றெடுத்தித்த நீ தன்னந்தனியாய்

கட்டில் படுக்கையில்

இவ்வளவு வேதனையிலும்

ஒரு ஆனந்த சிரிப்பு

எதிர்பார்த்து நடந்திடுச்சு

கனவு நனவாகியது என்பதில். . . .

காதல் உணர்வு

திரையில் மட்டும் ரசித்த காதல்

தினமும் உணர்கிறேன் உன்னால் இப்போ

யாவும் நிஜமா என்று

என்னையே கேட்கும் என் மனசு..

வெற்று பக்கங்களாக

ஊசலாடிய என் வாழ்க்கை

புத்தகத்திற்கு வண்ண

முகவுரை எழுதத் தொடங்கியவளே.. 

தனிமையில் தத்தளித்த எனக்கு

உரசிய உன் இதழ்களில்

பற்றியது என்னுள்

காதல் தீ..

உன்னுடனான உரையாடலை

மட்டுமே விரும்பும் எனக்கு

உன் மௌனம் கூட

இனிமையான ரணம் தான்..    

நவீன காதல்

 இணையத்தின் ஊடக வைரஸ் பரவும் என்பது
 நான் கற்ற தொழில்நுட்ப அறிவியல்
 உன்னுடனான உரையாடலின் பின்தான்
 உணர்கிறேன் இதயத்திற்கு
 காதல் ஊடுருவும் என்ற உளவியல்

 கடல் சூழ்ந்த சிறு நிலத்தில்
 தொழில் நிலை கைதியாய் நான்
 முதுகலை முடிக்கும்
 பட்டத்து இளவரசி நீ 

நம் தூரத்தின் இடைவெளியை குறைக்க
காணொளியில் நித்தமும் கதைபேசல் 
என் தவிர்ப்புகளுக்கு கானல்
இரைபோடும் உன் குரல் செய்திகள்

எல்லைகள் மீறும் நாகரீகத்திலும்
கண்ணியம் தவறாத நம் உறவு
என் இறுதி துடிப்பு வரை உடையாமல் இருக்க
வேண்டுகிறேன் இறைவனை
அருள் கொடுப்பாயா என் தேவதையே....

ஏமாற்றம்

காலம் கடந்த பின்னும்

கண்ணுக்குள் உன் காதல் மட்டும்

கடல் கடந்த தூரத்தில் இருத்தும்

நெஞ்சுக்குள் உன் நேசம் மட்டும்

எனக்கு சொந்தமாவதில்லை என அறிந்தும்

கனவில் நீ பேசிய வார்த்தைகள் மட்டும்

உனக்காக துடிக்கும் இதயத்தின் நினைவில்

உன் புன்னகை பூத்த முகம் மட்டும்

இணைவோம் என காத்திருக்கும் எனக்கு

தினமும் ஏமாற்றம் மட்டுமே . . . . . .

உன் தவிப்பு

யாருமற்ற இந்த நிலாவொளியில்
உன் நினைவுகளையே
அள்ளித்தரும் தருணம்
நான் தனிமையில் தவிக்க
துணைக்கு ஆறுதல் சொல்ல
தொலைபேசியில் கசியும்
உன் குரல் ....

இந்த இரவினில்
ஏக்கங்கள் அதிகரித்தாலும்
பனிக் குளிரில்
உடல் நடுங்கினாலும்
எனக்கு தனிமை புலப்படவில்லை
நீ நெஞ்சிலே வாழ்வதனால்....

தோழியாய் நீ
எங்கும் கூடவரும் போது
எனக்கு தெரியவில்லை
உன் நேசம்
காதலியாய் நீ
தொலைவினில் காத்திருக்க
என் மனசே தாங்கவில்லை
உன் தவிப்பை கண்டு....

என் விருப்பம் . . .

உன்னைக் காணும் வரை
காதல் ஆசை இல்லை
என் மனதில்
உன்னை சந்தித்த பின்
என் இதயமோ என்னிடம் இல்லை ....

அன்பால் உள்ளத்தை இணைத்து
பாசத்தால் உணர்வுகளை பகிர்ந்து
கனவுகளில் ஆசை வளர்த்து
எண்ணங்களை கவிதையாக்கி
காதல் மழையாய் பொழிந்து
விலகிச் சென்றாய்
என்னிடமிருந்து ....

மனதை பறிகொடுத்த
முதல் சந்திப்பில்
நீ இசைத்த இதயராகம்
இன்றும் என் மனவாசலில்
ஒலித்துக் கொண்டிருகிறது....

என் உயிரே
உன்னிடத்தில் நம் காதல்
உதிராது இருக்கும் வரை
வாழப் போகும் சில நாட்களுக்காக
ஏழு ஜென்மம் வேண்டுமானாலும் காத்திருபேன்
இல்லையேல்
நீ பேசிய காதல் மொழியோடு
காற்றுடன் சங்கமிப்பேன் . . . .

காதலின் ஏக்கம் . . . . . .

என்னவளே !!!
இந்த அப்பாவி மனதில்
அமைதியாய் குடிகொண்டாய்..
கற்பாறையாய் இருந்த என் இதயத்தில்
காதல் ரோஜாவாய் மலர்ந்தாய்..
என் இரவுகளை களவாடி
உறக்கத்திலும் தொந்தரவு செய்தாய்..
மௌன மொழி போசி
உன் வெறுப்பை வெளிக்காட்டினாய்..
என்றும் உனக்காக நான் மட்டும் தான் என
தினமும் உன் நினைவாலே ஏங்க வைத்தாய்..
என் உயிரில் கலந்தவளே
ஆயுள் முழுவது உனக்காக வாழ்ந்தாலும்
அதில் ஒருநாள் உன்னோடு வாழ்ந்தால்
போதும் கண்ணே..