நீ விட்டு சென்ற காதல்

என் இனிய தென்றலே
நான் அடிமை ஆகியது
உன் அன்புக்காக தானே
அதனால் தான்
என் இதயம் இன்று வரை
உன்னை நேசித்துக் கொண்டிருக்கிறது

விழிகளில் கண்ணீர் வடிந்தாலும்
உன் நினைவுகள்
இன்னும் பத்திரமாய்
உன்னுள்ளே இருக்கிறது
நீ என்னுடன் பேசிய
சில நிமிடங்களும்
பழகிய காலங்களும்
என் வாழ்வின் பொக்கிஷமாய்

அன்பே உன் புண்ணகை பூத்த முகமும்
நீ என்னோடு போட்ட செல்லச் சண்டைகளும்
இன்று என் மனதுக்குள்
அலை மோதுகிறது
நான் திரும்பும் இடமெங்கும்
உன் காலடித் தடங்களும்
நான் சுவாசிக்கும் காற்று முழுக்க
உன் நினைவுகளும்
தினம் தினம் என்னை வருடிச் செல்கின்றன

உன்னால் வாழ்க்கையின் அர்த்தத்தையும்
பாசத்தின் ஆழத்தையும்
புரிந்து கொண்ட எனக்கு
பிரிவின் வலியை மட்டும்
தாங்க முடியவில்லையே
இவற்றை மறக்கும் சக்தி
என் மனதுக்கு இல்லையே

இப்படி எல்லாம் நடப்பது
என் விதியா
இது அப்போதே தெரிந்திருந்தால்
உன்னை பிரிந்து மகிழிச்சியுடன் சென்றிருப்பேன்
உவ்வுலகை விட்டு. . . . . .